Сёньня стане вядомым рашэньне Менгарвыканкаму што да заяўкі на правядзеньне 12 сакавіка мітынгу дробных бізнэсоўцаў. Ініцыятарам акцыі выступіла Каардынацыйная рада індывідуальных прадпрымальнікаў.

Паводле прадстаўніка Каардынацыйнай рады Аляксандра Макеева, у панядзелак улады канчаткова вырашаць, ці дазваляць гэты мітынг.

“Мы падалі заяўку, каб правесьці мітынг на плошчы Якуба Коласа, – расказаў Аляксандар Макееў. – Прадпрымальнікі цяпер не баяцца страціць працу. Бо вынішчаюцца групы тавараў. І наперадзе яшчэ чакаецца выхад шэрагу ўказаў і дэкрэтаў супраць прадпрымальнікаў. Мітынг адбудзецца пры “любым надвор’і”.
В.Леванеўскі: “Мы вылучаем і палітычныя патрабаваньні: найперш вызваленьне палітзьняволеных і спыненьне перасьледу па палітычных матывах”.

Аднавіў дзейнасьць страйкам прадпрымальнікаў, якім кіруе былы палітвязень Валеры Леванеўскі. Актывісты страйкаму маюць намер прыняць удзел у акцыі 25 сакавіка.

“Мы вырашылі падтрымаць агульную акцыю, ініцыяваную палітычнымі партыямі і рухамі, – паведаміў Валеры Леванеўскі. – Плянуецца ў нас аднадзённы страйк прадпрымальнікаў. Прычым мы вылучаем і палітычныя патрабаваньні. Гэта найперш вызваленьне палітзьняволеных і спыненьне перасьледу па палітычных матывах. Плюс мы ня згодныя з падвышэньнем камунальных платаў”.


По материалам Міхал Стэльмак, Менск, www.svaboda.org

Полезные ссылки:

Принят антипредпринимательский указ

Предприниматели начинают подготовку к акциям протеста

Властями разрешен митинг предпринимателей 12.03.2007 в 12.00 в г.Минске

"Ваша машина числится в угоне! Причем, с октября 2006 года"

Проблемы с оборудованием для митинга

Блок основных экономических требований, выдвигаемых предпринимателями Республики Беларусь

Валерий Левоневский задержан, обманным путем изъяты все вещи

« Главная страница